ServiX Engineering komandası olaraq biz zavod və istehsalat sahələrində tətbiq olunan avtomatlaşdırılmış sistemlərin fasiləsiz və etibarlı işləməsini təmin etmək üçün peşəkar xidmətlər təklif edirik. Müasir sənaye müəssisələrinin əsas tələbi olan dayanıqlı istehsalat proseslərini qorumaq və nasazlıqların minimuma endirilməsi istiqamətində müştərilərimizə kompleks həllər təqdim edirik.
Bizim xidmətlərimizə daxildir:
- Avtomatika sistemlərində nasazlıqların diaqnostikası və aradan qaldırılması – PLC, SCADA, sensor və idarəetmə cihazlarında baş verən nasazlıqların operativ şəkildə aşkarlanması və bərpa edilməsi.
- İstehsalat xətlərində sahə cihazlarının təmiri – sensorlar, aktuatorlar və digər sahə avadanlıqlarının yüksək dəqiqliklə təmiri və sazlanması.
- Qabaqlayıcı texniki xidmət və təmir işləri – istehsalat avadanlıqlarında mümkün nasazlıqların qarşısını almaq üçün planlı baxış, profilaktik yoxlamalar və ehtiyat hissələrinin dəyişdirilməsi.
- Məhsuldarlığın artırılması üçün yaxşılaşdırma tədbirləri – istehsal xətlərində texnoloji proseslərin optimallaşdırılması, enerji səmərəliliyinin yüksəldilməsi və modernizasiya işlərinin həyata keçirilməsi.
- Ehtiyat hissələrinin idarə olunması və təminatı – istehsalatda kritik avadanlıqların dayanmasının qarşısını almaq üçün ehtiyat hissələrinin düzgün planlanması və kateqoriyalaşdırılması.
Bizim əsas məqsədimiz – sənaye müəssisələrinin avadanlıqlarının fasiləsiz, təhlükəsiz və maksimum səmərə ilə işləməsini təmin etməkdir. Peşəkar mühəndis heyətimizlə hər bir müəssisəyə fərdi yanaşır, ən müasir metod və texnologiyalardan istifadə edərək istehsalat proseslərinizi daha etibarlı edirik.
ServiX Engineering 